An dekha tilism by Ammara Fatima Episode 5 #suspense #thriller #likharim...

غم اور غصے کو کم کرنے کی کوشش کرتے وہ تیز تیز سانس لے رہا تھا لیکن شدت تھی کہ ختم ہی نہیں ہوتی تھی بیڈ سے ٹیک لگاۓ زمین پہ بیٹھے اس نے سر دونوں ہاتھوں میں گرا دیا۔۔۔ ادھ کھلے دروازے سے داخل ہوتی مدھم روشنی نے کمرے کو نیم روشن کر رکھا تھا اس نیم روشن کمرے میں جگہ جگہ چیزیں بکھری دیکھی جا سکتی تھیں۔ ایک کونے پہ بیڈ شیٹ اور تکیے نیچے پڑے نظر آتے تھے جو شاید سب سے پہلے اس نے غصے میں بیڈ سے کھینچ پھینکے تھے۔اس کے پاس زمین بوس ہوا لیپ ٹاپ نظر آتا تھا جو شاید اس نے آتے ساتھ ہی سب پہلے نظر آنے والی چیز اٹھا کر زمین پہ پھینکی ہوگی۔ ان کے علاوہ کمرے میں جگہ جگہ کانچ کے ٹکڑے پرے تھے جو شاید مختلف نازک اشیاء کے پھینکنے کے نتیجے میں چور چور ہوۓ ہونگے ان سے کے بیچ وہ بیٹھا تھا جس کے زہن میں کچھ جملے بار بار گونج رہے تھے ۔